Bharat ke nakshe par ek bahut bada badlav hone ja raha hai. Pichle kaafi saalo se chal rahi maang ko poora karte hue, Kendra Sarkar (Union Cabinet) ne officially Kerala ka naam badalkar 'Keralam' karne ke prastav ko manzoori de di hai. Ye faisla sirf ek naam ka badlav nahi hai, balki ye us rajya ki bhasha aur virasat ko ek naya samman dene ki koshish hai dekhiye aage puri kanhani.
Kyon Badl diya Gaya Naam?
Malayalam bhasha mein is rajya ko hamesha se 'Keralam' hi kaha jata raha hai. 'Kerala' naam angrezon ke zamane se prachalit tha (Colonial legacy), jo ki Malayalam ke mool shabd ka angrezi roop tha. Rajya sarkar ka tark tha ki jab poori duniya mein log ise Kerala kehte hain, toh wahan ke mool niwasiyon ki bhasha ka samman karte hue official naam bhi 'Keralam' hi hona chahiye.
Sammidhan (Constitution) Mein Kaise Hoga Badlav Jaaniye?
Naam badalne ki prakriya itni saral nahi hoti. Iske liye Bharat ke Samvidhan (Constitution) ki First Schedule mein sanshodhan (amendment) karna padta hai.
1.Rajya Vidhansabha (State Assembly) ne. pehle hi iska prastav pass kiya tha.
2.Ab Union Cabinet ki manzoori ke baad, ise Parliament mein pesh kiya jayega.
3.Iske baad President ki manzoori milte hi har jagah 'Keralam' ka upyog shuru. ho jayega.
Iska Kya Asar Padega?
Official Documents: Sabhi sarkari documents, passport, aur identity cards par ab 'Keralam' likha jayega.
Cultural Identity: Isse rajya ki bhashayi pehchan (Linguistic Identity) mazboot hogi.
Education: School ki book aur map par naya naam dikhayi dega.
Conclusion:
Dheere-dheere Bharat ke kai shehar aur rajya apni purani virasat ki taraf laut rahe hain (Jaise Allahabad se Prayagraj aur Bangalore se Bengaluru). 'Keralam' ka hona bhi isi kadi ka ek hissa hai. Ye kadam dikhata hai ki hum apni jadon aur bhasha se judne ke liye kitne utsuk hain.
Aapki Rai Kya Hai?
Kya aapko lagta hai ki states ke naam unki apni bhasha mein hi hone chahiye?
Comments mein zaroor batayein aur is jaankari ko apne doston ke saath share karein!
#Keralam #Kerala
Tags
India